| 首日焦點落冠軍熱門之一葡萄牙日內瓦大戰土耳其。葡萄牙上屆歐國盃揭幕戰輸畀希臘，但正所謂失敗乃成功之母，依家呢隊葡萄牙比四年前更成熟，加上有超人氣球星C朗拿度飛，唔畀人睇高先奇；不過土耳其步入後哈根蘇古時代，踢法更爽更機動，一句講晒，唔想聽日同同事冇話題，今晚大家記住約定成班老友坐定定等睇好波！（now632台、中央5台及廣東體育周日凌晨2:45直播） 擁半個主場三線平均 葡萄牙國家隊可謂近年歐洲進步得最快球隊，○四年歐國盃先奪亞軍，○六年世界盃又殿軍，呢班「黃金二代」已愈踢愈成熟，難怪被外間睇好可以今屆歐國盃有一番作為。唔係講笑，淨係睇之前葡萄牙練波，每張飛賣到十四點五美元（約一百一十二港元），依然坐爆球場，吸引萬二人去睇，就知葡萄牙今年幾令人期待。由於瑞士住成十七萬四千個葡萄牙公民，估計正式比賽時將會有更多人入場撐葡萄牙，葡萄牙儼如有半個主場之利。
不過講到尾，一班波要冠軍，最緊要講實力，葡萄牙領隊史高拉利有料係人都知，人氣王基斯坦奴朗拿度更加唔使多講，呢位萬人迷今季踢到曉飛，以中場身份為曼聯轟入四十二球，雖然佢之前敷冰腳，好彩依家已經冇事。
再講，其實葡萄牙唔係C朗一個踢晒，射得之人多到滿瀉，紐奴高美斯、沙保沙、摩天奴、哥利斯馬、拿尼都獨當一面，加埋後面仲有卡維奴同比比呢對「雙塔」鎮守，今屆歐國盃，基本上冇幾多隊三線實力可以好似葡萄牙咁平均！ 踢法迅速機動 入球點分布廣 繼九六同○○年後，土耳其第三次打入歐國盃決賽周，相比起以往只靠「土皇帝」哈根蘇古前線一個人飛，呢支○二年世界盃季軍得主，進入後哈根蘇古時代後，進攻節奏反而更迅速，更機動。
最緊要入選幾位前鋒包括尼赫治、端基同辛杜克今季各自球會都有突出表現，尼赫治幫維拉利爾射入二十球取得西甲亞軍，辛杜克亦以十七球成為土超神射手，再加上幕後有曾經執過加拉塔沙雷、費倫天拿同AC米蘭等豪門「智多星」泰林領軍，實力絕對唔小。
為增強後備力量，土耳其近年更成功招攬好多高質外援入籍，如馬高奧利里奧、卡森李察士、巴爾達、艾丁等，而且仲同一班本土球員擦出火花，今屆歐國盃隨時一鳴驚人！土耳其賽前收到好消息，就係力拜仁慕尼黑好波之人咸美艾天托普已經傷愈復出，有佢中場同安利發辦校炮，土耳其中場創造力絕對不容忽視。 葡軍吸取訓更小心！ ‧吸取過上屆歐國盃首戰不敵希臘訓，相信葡萄牙今屆歐國盃首場比賽定必更加小心，再講佢有半個主場之利，加上C朗、沙保沙等狀態大勇，對住已經六年冇出席大賽土耳其，相信小勝冇難度，1.75倍主勝絕對值得秤先！ 大菲爭標3大戒條 1.戒色‧謝絕太太團
由○六年世盃開始，史高拉利就已經為葡萄牙大軍定下色戒，環顧葡萄牙大軍，有個靚女友Nereida GallardoC朗，自然係史高拉利重要打擊對象。不過，史高拉利都話明，如果能夠殺入淘汰賽，會放班球員一日假，等佢享受一下浪漫時光。
2.戒玩‧場外要認真
來自足球王國巴西史高拉利，深明球員要有創造力，落到場比賽態度認真之餘，都會有玩同享受足球心態，但球場之外，佢反而要求全部球員都放棄玩玩心態，專心備戰：「球場入面有激情當然係件好事，但球場之外，我會要求大家保持冷靜，全心全意去做好每一個工作。我希望所有葡萄牙人會明白，我瑞士係要最高水平工作。」
3.戒輕敵‧葡萄牙得個名
人人都話葡萄牙係歐洲巴西，有足夠奪標能力，但史高拉利眼中，葡萄牙想贏得冠軍，首先就係要放棄呢種觀念，明白自己不足：「簡單講，我唔係世界最佳球隊。○四歐國盃我第二，○六世盃就第四，要想有突破成績，我一定要逐步逐步，打好每一場波，唔可以有任何輕敵之心。」同組三隊對手之中，「大菲」仲點名讚捷克，會係佢爭出線最大阻力。 | 
