| 相信唔少人都有睇曼聯大戰車仔歐聯決賽，我兩位BA Sugar同Candy都唔怕熊貓眼捱眼捧場，當然，佢睇波之餘都有幫大家做功課，好似Sugar今日就連大細彩池都玩埋，推介洛杉磯銀河入球大，玩得主客和多？不妨跟Sugar小注怡情啦！ 里昂有驚無險成就法甲七年冠霸業，今晚法國足總盃決賽對住巴黎聖日耳門，再下一城絕對冇問題！ 我咁支持里昂，當然係因為意大利後格羅素喇！我戥佢開心呀，一去到法國就捧盃，仲好有機會起孖添！聖日耳門聯賽到最尾一刻先成功護級，唔使降班已經開心到飛起，況且已有聯賽盃在手，足總盃亞軍都Happy喇！論實力亦遠不及里昂，咁點同人爭呀。 格羅素叻仔，佢國家隊隊友東尼更勁，德國橫掃三個錦標，仲做埋德甲神射手，認真抵錫。講起意大利隊，我就畀鄧納東尼激死，竟然揀個情緒上毫無自控能力、隨時累死球隊卡斯辛奴入選歐國盃大軍（雖然仍有機會被剔走）。揀佢肯定係戰略上一大錯誤，就算到時佢歐國盃有貢獻，只係鄧帥好彩賭贏一鋪，唔代表佢值得入選。 推介：里昂 | 
