好少可貼唔中波都咁開心，Sugar周中歐聯決賽估車路士會加時贏曼聯，好彩最後結果係紅魔鬼射贏十二碼，估唔中都開心，咪因為我係曼聯Fans囉，睇見C朗拿度開心到喊，我都一樣咁激動呀！
睇完歐聯決賽，歐洲球季都接近結束，緊除歐國盃會係我最關心之外，仲有當然係睇睇Man到爆碧咸美職踢波啦！聽朝碧咸就會美職聯主場對肯薩斯巫師，Sugar近排睇親佢比賽，都見到碧咸同當路雲等一眾前線隊友，建立到唔少默契，進攻上仲愈打愈好添！不過，同樣令我擔心係，佢防線脆弱，水準真係好似連英甲都不如，所以聽朝我雖然會為碧咸打氣，但講到買波，我都係寧願買入球大好過。
推介：洛杉磯銀河（入球大）
