今晚女子歐洲足協盃決賽上演次回合賽事，德國法蘭克福女足回師主場對瑞典烏美亞女足，FuFu上次推介細盤得手，食過翻尋味再度操刀，不過今次決定要大唔要細。（周六晚8時15分開賽）
上周首回合FuFu結合所有數據推介細盤，但開波五分鐘就1:1，我話唔驚就呃你，不過之後發展果然如FuFu所料，兩軍並冇盲目進攻，尤其是法蘭克福刻意穩守，最終1:1頂到完場。
進攻足球埋身肉搏 不過正如前輩Peter所講，次回合係冇得留低賽事，心態必然唔同，加上作客入球優惠，烏美亞今場唔入波就輸，就算作客亦唔能夠太過保守，而法蘭克福主場踢法亦必然進取，對兩支攻力本已強勁球隊而言，入球機會更為大增，今場可望貫徹女足有前冇後打死罷就形象，開出大盤。
