| 英冠升班附加賽決賽超級Jackpot，總值六千萬鎊（約九億二千六百萬港元），肯定係一場打甩髀大戰，侯城今晚溫布萊球場面對布里斯托城，兩邊都唔想輸，既然近四屆決賽有三次開入球細，我寧願放棄玩讓球，吼實入球細搵食好過。（now898台、無收費電視998台及廣東體育周六晚10:00直播） 壓力大冇膽攻
專家估計，英超升班球隊會得到六千萬鎊巨額收入，呢個數目根本唔係英冠球會可以想像，侯城創會一百零四年，從未試過升上頂級聯賽，至於布城亦唔好得幾多，對上一次頂級聯賽競逐係八○年往事，呢場波兩隊各有三萬六千球迷入場助威，球員承受壓力唔會細過踢歐聯，邊個夠膽攻？ 雖然侯城附加賽四強兩回合計以六比一掃走屈福特，布城近五場仲有四次開入球大，但睇番紀錄，對上四季決賽，其實有三次出現一比○波膽，唯一例外係屈福特○六年以三比○大勝列斯聯升班，如果大家認為侯城讓平半唔穩陣，又覺得買布城下盤未必索得晒，入球細應該係好選擇。 英冠附加賽賽制
決賽於中立場進行，以一場過定勝負，對賽隊伍若在法定時間內打成平手，需加時再決勝負，分上、下半場各十五分鐘，倘若加時仍未分出高下，則以互射十二碼決定升班隊伍。 | 
