| 就算做唔成四冠王，雙冠王都照殺！隨住先後失利於歐協盃及聯賽，格拉斯哥流浪目前只有一隻聯賽盃到手，今晚足總盃決賽，係佢成為雙料冠軍最後機會，一班戰將點會輕易錯過？佢中立場格拉斯哥咸頓公園球場，對住久疏戰陣甲組仔南部皇后，有半個主場地利流浪要一吐失落聯賽烏氣，大勝唔難，一於捧「讓球主勝」！（開賽時間：周六晚10:00） 的而且確流浪蘇超煞科戰○比二不敵鴨巴甸，其實輸波原因同領隊禾達史密夫排錯陣極有關係，因為佢收起大勝聖美倫一役有份建功前鋒基斯保迪，改以丹尼卡辛同達捷維爾掛帥而招惡果，相信呢位頭會吸取訓，再次排番以往贏波陣式，今仗係流浪成為雙冠王最後機會，贏波鬥志當然高啦！ 南部皇后成個月冇正式比賽
至於南部皇后呢支甲組隊，雖然四強淘汰蘇超球隊鴨巴甸殺入決賽，不過蘇甲一早已經收咧，呢隊波雖然間中都有同業餘球隊拍跳，不過差唔多成個月冇真真正正比賽，狀態成疑之餘，當日晉級道「氣」，亦有可能隨住時間而消失，今鋪遇上流浪睇怕好難再創奇。 另外，今晚法國亦有一場足總盃決賽上演，由新鮮出爐聯賽盟主里昂硬撼巴黎聖日耳門（開賽時間：周日凌晨3:00）。講人腳同往績，無疑里昂係佔優，之但係巴黎聖日耳門季尾有復甦象，三月底勇奪聯賽盃證明佢踢盃賽有一手，最重要，原來係佢過往曾七度捧走足總盃，算係呢項賽事大戶，中立場對住里昂有力一拚，「讓球主勝」玩得過！ 蘇總及法總賽制
兩項決賽均於中立場進行，並以一場過定勝負，若在九十分鐘內打成平手，則需加時再決勝負，分上、下半場各十五分鐘。倘若加時仍未分出高低，則以互射十二碼定生死。 | 
