| 矚目死亡C組打到喇！兩年前奪得世界盃亞軍法國，雖然家陣冇球王施丹，但係領隊杜明歷就冇有怕，繼續以老帶新，整體質素C組依然夠殺，今日要過羅馬尼亞呢個頭關，應該唔會有咩差池。至於羅馬尼亞真係黑仔，抽中入C組，意味條路好難行！今場就先嘗第一個苦頭啦！（now632台、廣東體育及中央5台周二凌晨0:00直播）
之前法國隊畀人印象係好多老將，但係今屆歐國盃就好唔同，陣中多好多新星，包括拿斯尼、杜拿蘭同賓施馬等，為「法蘭西公雞」增添唔少活力！踢法上都係偏重防守，只要韋拉、馬基列尼、杜林同加拿斯等將齊齊交出水準，想明刀明槍入佢波？冇咁易！舊年成為法國國家隊史上最多產射手亨利，毫無疑問會係鋒線上數胡人物，大賽經驗夠晒豐富，今場對羅馬尼亞，只要佢交到貨，贏波三分應該唔成問題。 法國大把入波本錢 至於亨利口中「好拍檔」賓施馬，球季里昂演出光芒四射，好期待佢兩個可以擦出火花，炮製多經典入球就好喇！除亨利同賓施馬，「新施丹」列貝利同馬隆達邊路都好有威脅，加埋後備殺手安歷卡，法國大把入波本錢啦！ 羅馬尼亞靠晒梅度 相反，羅馬尼亞領隊比度卡就冇咁幸福，鋒線只能倚重梅度一個，任佢狀態幾弗，一旦畀對手嘜實，成班波就企晒度！雖然仲有個馬利卡，但係佢仲差火候，未可以國家隊飛住。最慘連後尼古拉哥恩日前操練中觸傷舊患，今晚落得場都冇十足狀態，整體實力再打折扣添，點同法國鬥呀？ 亨利讚好高美斯質素高 如果問邊位落選法國大軍球員最慘情，十個人有九個會答：「查斯古特！」不過呢位意甲神射手亞軍名落孫山，明顯冇魯爾缺席歐國盃咁大回響，皆因法國鋒將多的是！亨利、安歷卡同賓施馬都係獨當一面人物，巴菲迪比高美斯（小圖）首次為法國上陣就梅開二度，平施丹紀錄，隨時係杜明歷秘密武器。
作為法國國家隊首席射手，亨利正選位置定過抬炸彈，外間就揣測外圍賽表現出色安歷卡，將會係亨利拍檔。杜明歷近期熱身賽頻頻搵賓施馬打正選，雖然效果一般，但呢位里昂小將同列貝利漸見火花，決賽周繼續踢正選都唔奇。
不過亨利就話唔好忽視巴菲迪比高美斯，仲大讚後者有力上位：「高美斯？佢係一個少說話多做事後生仔。今季佢聖伊天入十六個聯賽入球，證明佢夠晒班爭正選啦。」 | 
