| 關爺尋日推介完瑞典波，今日再接再厲，再度推介瑞典超賽事。是日重心係馬模，呢支昔日勁旅今季重新振作，雖然開咧兩連和，但事實上表現一流，面對休息少兩日，而且又不擅作客艾夫斯堡，主場係開齋時候！ 同負責瑞典超聯賽拿仁傾開，不約而同都認為瑞典超比較惡捉，一來球隊質素、實力較為平均，二來關於呢個聯賽資訊又較少，於先天不足下，貼波難度倍增。但作為名家當然唔可以退縮，最近就刮到好料，知道馬模有料到。呢班波近季演出麻麻，本季痛定思痛，決定換帥求變，並重用實用年輕球員，開咧兩場鬥勁旅哥登堡同佐加頓斯，都毫無怯場，雖然分別和波，但表現值得一讚。 反而艾夫斯堡不及馬模搶鏡，而且佢又出名作客唔掂，再加上休息時間比對手少兩日，作客難逃一敗。呢場馬模形勢佳，讓平半當然抵買，有信心可直接要W。 射AIK勝辛尼特上盤
另外一場推介都係瑞典波，AIK蘇納主場鬥辛斯華爾，雖然主隊開咧成績麻麻，而且仲未入過波，不過對手兩連敗失八球，係極品魚腩，AIK主場再唔贏等幾時，主W1.4倍都唔好放過。最後推介足協盃，辛尼特住首回合贏四比一優勢，次回合返主場睇定食，利華古遜出線機會微，鬥心成疑，辛尼特小讓平半要得過。 | 
