| 燕豪芬於足協盃八強次回合主場迎戰費倫天拿，羅賓認為荷甲與意甲水準有距離，加上燕豪芬有法芬及阿費利兩個進攻主力缺陣，缺乏進取心之下，讓唔起對手平半。（有線足球台61周五凌晨2時45分直播） 首回合紫百合領先一球後多番錯失機會，最後仲畀燕豪芬偷雞成功摸和一比一。不過打波唔可以單睇賽果，呢場波始終由費倫控制晒戰局，足以反映雙方實力有差距。 基於失一個作客入球，費倫今晚就算作客都要焗攻，鬥志唔使懷疑，「夫添」情況下，諗唔到突然走樣理由。 主隊死守博悶和
燕豪芬如無意外今周可以於荷甲提早封王，所以可以專心打盃賽，不過今晚有法芬停賽及阿費利倦勤，兩個進攻點都冇晒，攻力受損，因此今晚肯定加強防守，務求○比○守和對手出線。呢種消極打法對住賭命進攻費倫，無疑係送羊入虎口，係人都識講久守必失，今晚費倫受讓平半真係抵玩。 | 
