今晚瑞典盃艾夫斯堡主場迎戰弱旅奧雷布洛，艾夫斯堡質素較高，而且戰罷今仗就會休戰，呢場可小勝。（周六凌晨1時開賽）
瑞典盃榮譽一向好低，大部分瑞典超球隊都唔願意於瑞典盃出盡全力，上圈就有多支瑞典超球隊幾乎過唔到關。拿仁揀艾夫斯堡，全因佢就算出部分二線兵，於主場都可秤高。再者踢埋呢場，瑞典超同瑞典盃都會休戰，要到七月先再有比賽，既然呢場係「最後一戰」，艾夫斯堡應該有贏埋決心。今圈為第三圈賽事，一場過決勝，法定時間打和就加時，再和就互射十二碼。
