| 英甲升班附加賽今晚上演一場準決賽次回合賽事，由唐卡士打主場迎戰修安聯。首回合雙方互交白卷，今次唐卡士打有地利，加上對方射手李爾班納特因傷上陣成疑，秤先佢一線都相當正路，今場主勝要捧。（開賽時間：周六凌晨2:45） 修安聯射手打柴
煞科日輸波搞到要踢附加賽唐卡士打，面對住第六位修安聯，實力上始終高出一截。事實上，首回合作客修安聯冇輸，已經整定佢晉級機會高唱入雲，皆因唐卡士打近三次主場迎戰修安聯都係錄得全勝，今季聯賽兩循環又係由主場一方勝出，就算話前鋒夏菲文今晚要停賽，都應該有足夠實力贏波入決賽。 另邊廂修安聯，近三仗只得兩和一負，球員狀態下滑已經好難爭勝，最麻煩係佢季中由熱刺搵前鋒李爾班納特，首回合賽事之後發現足踝受傷，今仗上陣成疑。要知道呢個射手合共為修安聯上陣十六場，已經攻入九球之多，冇佢上陣，又或者係帶傷上陣，等於斬修安聯一臂，仲唔係等死格局？ | 
