| 拜仁“堡”證贏波 利物浦響歐冠盃四強首回合，最後一刻因為利爾斯一記烏龍球被車路士逼和一比一，主場和波令到出線機會大減，當然未講到話出線絕望，但次回合作客車仔就真係好難打。今場比賽的關鍵，除咗係利爾斯的烏龍球外，一名超級門將，都可以改變比賽的局勢。施治，響呢場波就扮演着極為重要的角色，唔係佢，利物浦應該早早可以入兩球，甚至三球，但就係因為施治，車仔就保住起死回生的機會，情況就好似幾日前曼聯作客布力般流浪時，遇着神勇的費度一樣，費格遜同賓尼迪斯果刻的感覺，應該會好有共鳴。 今晚足協盃上演四強大戰，奪標熱門拜仁越嚟越有運，四強對手是最弱的俄羅斯球會聖彼德斯堡，唔可以話對手好易打，因為入到四強隊隊都係硬嘢，但計人腳、實力，拜仁始終都係高一班，初盤讓一球 / 球半都可以捧場。今季已手執聯賽盃、德國盃在手的拜仁，聯賽錦標又係囊中物，只要再捧埋足協盃，就可以做四冠王，去到四強，球員肯定會去盡，尤其陣中的盧卡東尼、列比利等狀態大勇，只係響俄國聯賽排第九，近排戰績又差的聖彼德斯堡實在難阻拜仁的去路，作客受讓都信唔過。 推介：拜仁勝3：0 | 
