| 英甲聯賽已經踢晒，不過好戲在後頭，今晚會有首場升班附加賽上演，由修安聯主場迎擊唐卡士打。客軍煞科戰燒鬚，痛失直接升班資格，班球員心情都仲未平復，修安聯坐擁主場之利有望先取首回合，讓平半可放心捧上盤！（開賽時間：周六凌晨2:45） 六日前唐卡士打只要贏波就可以直接升班，點知呢間約克郡球會竟然輸畀下游車頓咸，將聯賽亞軍拱手讓畀森林，如果附加賽有乜差池，成季努力隨時白費，班球員唔洩氣就假。無可否認，除冠軍史雲斯同埋被罰扣十五分列斯聯外，全季表現最好就係唐卡士打，被一致睇好下今仗難免備受壓力。 未能直接升班壓力大
由迪臣領軍修安聯，季前因財政問題放走左翼甘保賴斯同射手伊斯活特，但仍能以第六名衝線，可以話係超額完成。事實上，四支附加賽分子當中以修安聯牌面最弱，壓力自然冇乜。加上陣中主力好似隊長阿當巴列特、中場高禾、馬凱、巴利等都冇病冇痛，夫添出擊更添勝算。再講，唐卡士打季尾連續六場作客賽事都失分，今晚真係難寄厚望。 | 
