| 千葉市原季初成績直插谷底，幕後人終於決定閃電換帥，周中輸波後踢走克羅地亞籍頭古斯。據日本傳媒報道，會方將會搵前南華領隊、現任利物浦助米勒領軍，希望可以扭轉頹勢，為球隊帶來一番新景象。 市原季前走五個日本國腳，實力大打折扣，新頭古斯接手冇耐，仲未執得掂隊波，開咧至今未嘗一勝，聯賽十一戰兩和九負，已淪為降班大熱。 83年南華搞到降班
上場球隊作客大敗於紅鑽腳下，古斯正式被炒魷。會方馬上物色新帥，睇中利物浦一隊助米勒，對方亦有意赴日發展，大家可謂一拍即合。 米勒曾於一九八三年來港執南華，但當季就搞到南華降班，其後輾轉過其他球隊，到九九年正式加入利物浦練團，現於「紅軍」一隊波。據日本傳媒報道，只要落實埋合約細節，米勒最快可以下周初赴日。市原聽日主場迎戰京都不死鳥，暫由未來助入重雄領軍，無帥之下，唔知會唔會失驚無神反彈呢？ | 
