| 雖話河床近期兩連敗，不過聽朝南美自由盃十六強次回合對聖羅倫素，絕對有力反彈！事關河床近年自由盃多次殺入八強，加上主場威力勁，有足夠本錢贏波平反首回合敗局！（開賽時間：周五早上7:30） 聖羅倫素作客腳軟
雖然首回合河床以一比二落敗，仲聯賽輸畀死敵小保加，但實情兩場都係作客且僅敗，表現較差可以理解。事實上，河床近年自由盃表現唔差，近十屆有八次至少打入八強，今屆分組賽三場主場更獲全勝，絕對俱備反彈條件！ 聖羅倫素陣中不乏球星，可惜始終解決唔到南美球隊作客腳軟通病，今屆分組賽三場作客就只錄得一勝兩負，加上近三次作客河床又悉數盡墨，呢鋪想全身而退恐怕唔容易。
自由盃賽制
南美自由盃由十六強賽事採取主客兩回合淘汰制，今戰為十六強次回合。若兩回合總比數打和，作客入球較多者晉級，若仍未能分出勝負，則在次回合完場後，隨即以互射十二碼分勝負。 | 
