| 現實足球唔同打Winning Eleven，落後唔係話追就追，正如列斯聯英甲升班附加賽準決賽首回合落後卡素爾一比二，今晚次回合作客想收復失地機會真係微乎其微！因為隊中左閘阿倫施漢繼續停賽，防線不整仲要焗攻下，隨時衰多兩錢重，平手盤一於支持卡素爾！（開賽時間：周五凌晨2:45） 阿倫施漢停賽焗攻蝕底
由於首回合落後一比二，所以列斯聯今仗最低限度都要贏一粒，先至可以博加時再決勝負。球隊作客之下搶攻經已惡打，最慘係左後阿倫施漢坐波監，要知道佢英甲收咧戰同附加賽首回合停賽期間，列斯聯總共失三球，今場繼續無佢隨時再次失守。 再講，卡素爾屬今季英甲主場王，當中二十三仗只失十六球，防線堅固對手難有甜頭。加上四五一陣式穩守突擊中最為有效，今晚再贏一仗不足為奇！ 英甲附賽制
四支升班附加賽球隊，由聯賽第三名對第六名，第四名對第五名，各進行主客兩回合淘汰賽，賽事不設作客入球優惠。若法定時間未分勝負，將加時再戰。倘若加時仍打和，則互射十二碼分勝負。 | 
