| 今晚九場波，最值得留意係英冠獨腳戲，西布朗主場鬥修咸頓，捧大穩陣。秤雙方實力，主隊贏波機會係高，但睇番形勢，打和都九成九直接升班，對手又搏命搶分護級，個W不無暗湧。與其要估邊隊贏，不如捧大，西布朗主場攻力勁，「聖人」入得又失得，1.72倍大咪錯過。（now 898周二凌晨2時45分直播） 同主理英冠拿仁傾開，大家都認為今季英冠真係離譜，前六球隊夾埋一齊失分情況好嚴重，淨係睇屈福特一隊，近十二場僅勝一場，已經睇見唔開胃。今日西布朗主場出擊，贏波就肯定直接升班，但呢所謂強隊不斷失分害人，點都要防一防。 和波都掂主勝有暗湧
睇番積分表，暫排第二西布朗剩番兩場有七十七分，第三侯城剩番一場得七十五分，西布朗今晚就算打和，都領先三分，加上得失球遠超對手，呢場打和基本上都達成任務，個Ｗ更加唔抵買。西布朗主場攻力極強，本季廿二場入五十球，冠絕聯賽；而修咸頓為護級亦會搏盡，而且呢班波攻強守弱，所以大盤值得留意。 瑞典超方面，馬模開咧後七場不敗，近況極勇，作客後防不穩希爾星堡受讓平半，捧下盤。挪超維京主場鬥華拉倫加，主隊季初已操起狀態，可殺敗作客平平華拉倫加。 | 
