| 車仔主場惡到生“根” 螳螂捕蟬，黃雀在後，車仔現在等緊機會，睇吓曼聯幾時再失分可以上位，咁當然自己都要生生性性保持爭標機會，今晚對住下游球會韋根，唔求多，只求三分目標一定冇問題，只要踢出本身水準，贏波必然，只係贏多贏少問題，初盤要讓球半/兩球，雖然窄窄哋，但都要捧場，希望唔多，贏半個盤都收貨。 韋根班波雖然難打，但始終實力所限，作客要贏車仔根本天方夜譚，一句講晒，和波當你贏。車仔近期贏波都係一球起兩球止，所以要求佢哋大勝都有點難度，不過現在非常時期，就算領先一球在手，都要穩陣為主，至少贏到兩球先至夠穩，杜奧巴近期腳風雖然麻麻，但都有一定殺傷力，何況布歷克、祖高爾及林伯特狀態唔錯，仲有個當起卡羅奧，所以兩球指標應該可以達到，希望可以數多一兩球，贏足盤。 正式嚟講，韋根現在仲未脫離危險時期，為求自保，仍然都要繼續搶分護級，不過，有時都要自量吓自己實力可以去到邊，尤其是今季作客成績，一勝四和十二負，對住七十幾場主場不敗的車路士，你話點踢。 推介：車路士 2：0 | 
