| 踏入季尾最令人關注地方，一定係爭標、護級同爭升班形勢，今晚英冠獨腳戲，錫周三主場對普利茅夫，前者要力保英冠席位，後者則希望取得升班附加賽資格，一場惡鬥在所難免。雙方勢均力敵，捧受讓普利茅夫下盤較數。 今輪英冠似乎非常不利護級分子，幾支下游掙扎球隊，例如高車士打、斯肯索普、李斯特城、高雲地利同黑池，都一齊失分，高車士打及斯肯索普更提早降班，令錫周三心理壓力冇咁大，但壓力減少，亦可能連爭勝動力都削弱埋，所謂護級分子背水一戰心態，今場未必錫周三身上出現。 錫周三護級殺氣不足
而且錫周三近期護級過程中，表現顯得力不從心，早前面對兩支同級數對手斯肯索普同高雲地利，都未能取勝，雖然話錫周三已經連續八場不敗，不過近六場都係和波，可見球隊欠缺全取三分實力，今場根本冇本錢讓普利茅夫。 講完接近尾聲英冠，再睇睇開咧冇幾耐瑞典超，卡爾馬取得兩連勝，可見球隊已經上晒力，今晚主場迎戰加爾斯，關爺睇好卡爾馬再下一城。另外，兩支升班馬辛斯華爾同隆斯基爾，開季後都係三戰全敗，今場碰面，大家都想趁機擊敗對方開齋，勢必互相駁火，最好博入球大。 | 
