| 紅魔鬼難“巴”閉 曼聯在聯賽大戰對車仔一仗收起“車馬炮”，擺到明博今晚對巴塞羅那爭歐冠決賽權，但話時話，要真正贏一場波並非話咁易，何況對手係有備而戰的巴塞？講實力、講人腳都未必輸得晒，分分鐘要打到最後才能分出勝負，即係話要踢加時或者仲要“射十二碼”，所以初盤曼聯要讓到半球 / 一球，認真唔化算，推介受讓的巴塞九十分鐘內不敗。 曼聯在首回合及對車仔一仗都係踢守勢足球，目的都係唔想輸波，結果兩場都發揮唔出應有水準，其實“進攻”一向都係紅魔強項，可惜，費爵爺過份保守，令球隊踢唔出本身風格，另外亦都顯露出防守弱點，中路多次被車仔突破，展示出李奧費甸南及布朗都係轉身慢及技術不足之處，而夏格維斯改打右閘，雖然經驗十足，但太過自信及高章，對車仔一仗因失位而輸第一球亦要負上責任，以巴塞球員的控球能力及個人質素，要破曼聯防線確係不難，除非列卡特冇睇“車曼”之戰。 巴塞為咗今晚一戰，已經特意放棄聯賽，對拉科一役幾乎全隊以副選上陣，今晚一於與曼聯拼個你死我活，盡地一煲。 推介：和波 1:1 | 
