| 出年係橫濱開港一百五十周年紀念，為隆重其事，水手高層決定用十億日圓（約七千四百五十萬港元）搵中村俊輔回巢，目的係想亞冠盃揚威，既然係咁，橫濱水手今晚日職主場迎戰千葉市原，三分梗係要執，如果唔係點爭亞冠盃入場券？主勝熱都要捧！（now633台周二晚6:00直播） 7450萬斟中村俊輔回巢
以往日職球會唔多重視亞冠盃，但上年浦和紅鑽贏得冠軍，有得代表亞洲踢世冠盃，宣傳同搵錢效果都好顯著，橫濱水手當然唔想執輸，有消息話佢想爭亞冠盃席位，迎接出年一月日本國腳中村俊輔回歸，水手社長齋藤正治日前親往蘇格蘭游說，開價十億日圓希望些路迪放人。 其實水手自新練桑原隆執後，攻守兩方面都有進步，計埋盃賽，開季六場主場仲有五勝一和，相信佢把握主場優勢，有分執絕對唔會手軟。事實上，市原今季聯賽得兩和六負，後防失十八球係日職防守最差球隊，正式輸到甩轆，水手要搵人，呢場晒味道！ | 
