意大利盃四強首回合，先有羅馬主場對卡坦尼亞。羅馬上輪聯賽作客反勝烏甸尼斯3:1，表現精彩，球隊正於聯賽力追國際米蘭，但由於仍有四分差距，要後來居上真係唔易，為免今季食白果，意大利盃絕對不容有失。
兼且球隊貴為去屆意盃盟主，練史巴列堤及球員已表明會全力冕，所以唔使擔心佢會盃賽流攤。人腳方面，隊長托迪已經復出，球隊攻力復整。如果踢番上場反勝烏甸尼斯水準，要大炒卡坦尼亞唔難。
上季大勝7:0 卡坦尼亞作客表現非常差，近十場作客只得一和九負，作客羅馬真係九死一生。另外對賽往績方面，卡坦尼亞近兩次作客羅馬都輸波兼食蛋，其中上季更輸過0:7，完全畀羅馬食住，呢個主W可謂非常穩陣。（now 633周四凌晨零時直播）
