| 周中都有三十一場賽事，咁多選擇當然要玩過關。其中關爺最鍾意慕遜加柏，呢支勁旅勇勢擋都擋唔住，升班席位即將手到拿來，為免夜長夢多，一定全力出擊，今次鬥弱旅卡爾斯耶拿，就算作客贏面都一樣咁高，客勝1.88倍可以作全日重心。 德乙鬥到最後直路，歇冬後狀態稍有下滑慕遜加柏，好快就抖擻精神，由二月尾開始打出最佳水準，近七聯賽五勝二和，目前已拋離第四位緬恩斯九分，升班機會高唱入雲。雖然係咁，但唔代表慕遜加柏會流攤，因為呢班波一向正氣，而且實力更屬超班，為盡快達標，絕對唔會放軟手腳。今場對手卡爾斯耶拿，正於榜下游苦苦掙扎，佢早前雖連贏三場，但上仗對弗賴堡又現晒形吞兩蛋，呢次鬥榜首勁旅九死一生。 葡萄牙盃捧士砵亭
另外葡萄牙盃四強賽事，士砵亭主場鬥賓菲加，客軍近期表現反覆，上仗主場鬥科英布拉大學竟然淨輸三粒，士砵亭主場一向信得過，趁對手唔最佳狀態可勝，小讓平半上盤可試。最後推介瑞典超，開咧四連和馬模，表現其實不俗，主場鬥作客麻麻加費萊，可敲主勝。 | 
