| 華倫淘“泰”捧盃 華倫西亞今季表現的確令一班“蝙蝠迷”大失所望，聯賽竟然踢到要護級，以球隊實力簡直與成績不相稱，真係點同班“粉絲”交代，要安撫呢班“蝙蝠迷”，今晚就要非捧西班牙盃不可。加泰今年被喻為“盃賽專家”，足協盃幾乎“玩謝”歐洲勁旅之一的拜仁，可想而知呢班波“打游擊”的確有一手，不過，球隊平均人腳以及整體實力始終稍遜於對手華倫西亞，以波論波都係睇高實力較佳一隊，初盤華倫西亞只讓平手/半球，屬於筍盤，捧硬華倫西亞在九十分鐘內可以解決對手。 華倫西亞聯賽三連敗，球員狀態及士氣明顯低迷，但踢盃賽始終唔同，何況今場係決賽，點都會提升作戰狀態，先後淘汰畢迪斯、馬體會及巴塞羅那等勁旅，證明華倫西亞根本就係一支具有實力球隊，而且陣中大部分球員都係有份量國腳級球星，明顯平均人腳都係高於對手加泰，有望捧盃攞番個安慰奬。 加泰進級過程較平坦，所遇強手唔多，所以真正實力唔可以睇得過高，球隊踢法簡單直接，勝在爛打兼且硬朗，講組織性，技術及配合，華倫西亞始終稍勝一籌。 推介：華倫西亞 二比〇
| 
