祖雲達斯主場對帕爾馬係意甲補賽，賽事原本安排三月尾踢，但由於賽前有帕爾馬球迷畀祖雲達斯大巴撞死，所以球賽延至今晚舉行，可以話天助祖記，因為「斑馬兵團」剛於上場聯賽反勝AC米蘭，踢出今季代表作，球隊氣勢正盛下，密密踢都冇有怕。
反勝AC信心爆棚 祖記近期咁弗全靠迪比亞路，「舊金童」近期有光芒四射演出，加上有「捷克鐵人」尼維特復出，攻力更有保證。
帕爾馬今季聯賽作客未贏過，名帥古柏執後雖然有起色，但巨高心目中，古柏已經過晒氣，面對強敵一味靠防守，好難再偷雞，今場難逃輸波厄運，祖記W絕對係不二之選。（now 633周四凌晨3時直播）
